Bu müqavilə "Onvolt" MMC (bundan sonra "İstifadəyə verən") və Azərbaycan Respublikası vətəndaşı (bundan sonra "İstifadəçi") arasında bağlanır.
1. MÜQAVİLƏNİN PREDMETİ
İstifadəyə verən aşağıdakı avtomobili İstifadəçiyə sınaq yürüşü məqsədilə müvəqqəti istifadəyə verir:

• Avtomobil: IM LS7
• Buraxılış ili: 2024

İstifadəçi avtomobili yalnız İstifadəyə verənin nümayəndəsinin iştirakı ilə idarə edə bilər.
2. SINAQ YÜRÜŞÜ ŞƏRTLƏRİ

• Sınaq yürüşü maksimum 10 km məsafədə və 60 km/saat sürətlə aparılmalıdır.
• Avtomobili üçüncü şəxslərə vermək qadağandır.
• Yol hərəkəti qaydalarına əməl olunmalıdır.
• Sınaq yürüşü yalnız əvvəlcədən razılaşdırılmış marşrut üzrə həyata keçirilir.
• Avtomobilin daxilində yalnız İstifadəçi və İstifadəyə verənin nümayəndəsi ola bilər.

3. İSTİFADƏÇİNİN ÖHDƏLİKLƏRİ
İstifadəçi avtomobili təhvil alarkən aşağıdakı şərtlərə riayət etməlidir:

• Fiziki və psixoloji vəziyyəti idarəetməyə uyğun olmalıdır.
• Narkotik və ya spirtli içki təsiri altında olmamalıdır.
• Sınaq yürüşü zamanı avtomobilə qayğı ilə yanaşmalıdır.

4. TƏRƏFLƏRİN MƏSULİYYƏTİ

• İstifadəçi sınaq yürüşü zamanı yol hərəkəti qaydalarını pozarsa, məsuliyyəti tam öz üzərinə götürür.
• Sınaq yürüşü zamanı baş verən hər hansı yol-nəqliyyat hadisəsi zamanı məsuliyyət Azərbaycan Respublikasının qanunvericiliyinə uyğun həll edilir.

5. SIĞORTA
İstifadəyə verən avtomobilin tam KASKO sığortasını təmin edir.
6. MÜƏLLİF HÜQUQLARI VƏ SAYT MƏLUMATLARI

• Bu müqavilənin məzmunu, avtomobil şəkilləri, loqolar və digər materiallar "Onvolt" MMC-nin müəllif hüquqları ilə qorunur. Onların icazəsiz istifadəsi qadağandır.
• Saytda göstərilən avtomobil xüsusiyyətləri və rəngləri fərqlənə bilər. Ən dəqiq məlumat üçün rəsmi dilerə baş çəkmək tövsiyə olunur.
• Saytdan istifadə edərkən sosial media plaginlərinin aktivləşdirilməsi tələb oluna bilər.

7. FORS-MAJOR
Aşağıdakı hallarda müqavilənin icrası müvəqqəti dayandırıla və ya ləğv edilə bilər:

• Təbii fəlakətlər, yanğın, hərbi əməliyyatlar.
• Hökumət tərəfindən tətbiq edilən məhdudiyyətlər.

8. MÜBAHİSƏLƏRİN HƏLLİ
Mübahisələr ilk növbədə qarşılıqlı razılıq əsasında həll edilməlidir. Razılıq əldə olunmadıqda, Azərbaycan Respublikasının məhkəmələrində həll edilir.
9. MÜQAVİLƏNİN QÜVVƏSİ VƏ DƏYİŞİKLİKLƏR

• Müqavilə razılıq düyməsi basılan andan qüvvədən düşür.
• "Onvolt" MMC istənilən vaxt müqavilə şərtlərini dəyişmək hüququnu özündə saxlayır.
• Müqavilə şərtləri dəyişdikdə, saytdan istifadə edən hər kəs yenilənmiş qaydalara əməl etməlidir.